ချစ်သူ

တိတ်ဆိတ်သော ရပ်ကွက်ကလေးတွင် သပ်ရပ်စွာ ဆောက်ထားသော တစ်ထပ်တိုက်ပုလေး တစ်လုံးရှိသည်။ ထိုခြံဘေး ခြံချင်းကပ်ဆောက်ထားသော သုံးထပ်တိုက်ကြီး တစ်လုံးရှိသည်။ တစ်ထပ် တိုက်ပုလေးတွင် အေးချမ်း တိတ်ဆိတ်၍ ရှေးရိုးဆန်သော ဆန်စက်များ ပိုင်ရှင် သူဌေးမိသားစုနေသည်။ အပျံစားဆောက်ထားသော သုံးထပ်တိုက်ကြီးတွင် ခေတ်ဆန်သော ပွဲစားကြီးမိသားစု နေလေသည်။

ထိုဆန့်ကျင်ဘက် မိသားစု နှစ်စုသည် အလွန် ရင်းနှီး ချစ်ခင်သော စီးပွားဘက်များ ဖြစ်လေသည်။ တိုက်တိုက်ဆိုင်ဆိုင် တနေ့တွင် သူဌေးကတော် နှင့် ပွဲစားကတော်တွင် ကိုယ်လေး လက်ဝန်ရှိကြောင်း စမ်းသပ်တွေ့ရှိလာသည်။ သူဌေးကတော်၏ သားလေးသည် ပွဲစားကတော်၏ သမီးလေးထက် ၂ လခန့် ကြီးမည်ဖြစ်သည်။ ဒီလိုနှင့် ထိုကိုယ်ဝန်ဆောင် မိခင် နှစ်ဦးသည် တစ်ဦးကို တစ်ဦး ဖေးမရင်း၊ အဖေလောင်း နှစ်ယောက်ကလဲ သား၊ သမီးရှေ့ရေး အတွက် တိုင်ပင်ရင်း နေ့ရက်များကို တရွေ့ရွေ့ဖြတ်ကျော်လာကြသည်။

ထို့နှင့် သူဌေးကတော်သည် လရောင် ဆိုသော သားကလေး ကို မွေးဖွားပြီး ၂ လခန့်ကြာသောအခါ ပွဲစားကတော်သည် နေခြည် ဟု အမည်တွင်သော သမီးလေးကို ဖွားမြင် ကြလေသည်။ ကြည်နူးမှုအပြည့်ဖြင့် ထိုမိသားစုသည် တဦးကလေးကို ကျန်တစ်ဦးက ကူညီထိန်သိမ်းပေးရင်း ရင်းနှီးသည်ထက် ရင်းနှီးလာကြသည်။ ထို့အတူ ကလေးလေး နှစ်ယောက်မှာလဲ နှစ်အိမ့်တစ်အိမ် လူးလာကူးကာ ကြီးပြင်းလာကြသည်။

ဤတွင် ရိုးသားပြီး ရှေးရိုးဆန်သော သူဌေးမိသားစုသည် သားဖြစ်သူကို လိမ္မာရေးခြား ရှိစေရန် အထူးသင်ကြား သည်။ လိမ္မာသော သားတို့၏ ထုံးစံအတိုင်း သားလေးသည် အိမ်တွင်းပုန်းပြီး နူးညံ့သိမ်မွေ့သည်။ စကားပြောလျှင် တိုးတိတ် ညင်သာပြီး သည်းခံတတ်သည်။ မိခင်၏ အိမ်မှုကိစ္စများကို ၀ိုင်းဝန်းကူညီလုပ်ကိုင်ရင်း အိမ်မှုကိစ္စများ ကိုပါ ကျွမ်းကျင်လာသည်။ ဖခင်၏ သင်ကြားမှုကြောင့် ဆန်စက်လုပ်ငန်းကို နားလည်လာသော်လဲ ထိုသားလေး သည် ဆိတ်ဆိတ် နေတတ်၍ နူးညံ့သိမ်မွေ့သော မေ့မေ့စိတ်ကြိုက် ကောင်ကလေး ဖြစ်လာသည်။

ခေတ်ဆန်သော ပွဲစားမိသားစု၏ သမီးငယ်လေးကမူ ထိုကောင်ကလေးနှင့် ဆန့်ကျင်ဖက် ကြီးပြင်းလာသည်။ ပွဲစားဇနီးမောင်နှံ သည် သမီးငယ်လေးကို အရာရာတွင် သတ္တိရှိရန် အထူးသင်ကြားသည်။ ကိုယ်မှန်လျှင် မည်သူကိုမှ ဂရုစိုက်ရန် မလိုကြောင်း ပြောသည်။ စီးပွားရေး၊ ပညာရေး ဘက်စုံတော်အောင် သင်ပေးသည်။ ဤသို့ဖြင့် ထိုသမီးငယ်လေး သည် မာနကြီးသော၊ ဆတ်ဆတ်ထိမခံသော၊ အသည်းမာသော ကောင်မလေးအဖြစ် ကြီးပြင်းလာသည်။

ဒီဆန့်ကျင်ဖက် ကလေး နှစ်ယောက်သည် အတူတကွ ကြီးပြင်းလာကြသည်။ တစ်ဦးတည်းသော သူဌေးသားနှင့် ပွဲစားသမီးသည် တစ်ယောက်ကို တစ်ယောက် သံယောဇဉ်ကြီးစွာ ချစ်ခင်ကြသည်။ တစ်ဦးကို တစ်ဦး ဖေးမကူညီ ကြသည်။ သူတပါးက ရန်စလာလျှင် ဆိတ်ဆိတ်နေပြီး သည်းခံတတ်သော ကောင်ကလေးအစား ဆတ်ဆတ်ကြဲ ကောင်မလေးက ရန်ဖြစ်ပေးသည်။ ထစ်ခနဲဆို စိတ်တိုတတ်သော ကောင်မလေးကို နူးညံ့သော ကောင်ကလေးက ချစ်စဖွယ် ပုံပြင်များ ပြောပြတတ်သည်။

သူတို့ နှစ်ယောက်သည် သူတို့ခြံနောက်ဖေးရှိ စမ်းချောင်းလေးတွင် အချိန်ရတိုင်း သွားထိုင်ပြီး ပုံတွေ ပြောကြသည်။ ကစားကြသည်။ တခါတရံတော့လဲ ရန်ဖြစ်တတ်သည်။ရန်ဖြစ်တိုင်း နူးညံ့သော ကောင်ကလေးက ဆိတ်ဆိတ်နေတတ်ပြီး ဆတ်ဆတ်ကြဲမလေးက ရန်ပွဲကို ဦးဆောင် သည်ချည်း ဖြစ်သည်။ ပြီးလျှင် စိတ်ကောက်ကြပြီဆိုလျှင် အသည်းမာသော ကောင်မလေးသည် ၂ ရက်၊ ၃ ရက် လောက် အိမ်ထဲမှ အိမ်ပြင် မထွက်တော့ချေ။ ဤသို့ဆိုလျှင် ကောင်ကလေးသည် နေမသိ ထိုင်မသာ ဖြစ်လာ သည်။ အလွန် ၀မ်းနည်းလွန်း၍ ချောင်လေးတွင် ကြိတ်ငိုနေတတ်သည်။ ကောင်မလေး အိမ်သို့လဲ အမြဲ မျှော်နေ တတ်သည်။ သို့သော် ကောင်မလေးကိုတော့ သွားမချော့ရဲပေ။ ကောင်မလေးသည် ၃ ရက်ကြာ၍ ကောင်ကလေး လာမချော့သောအခါ စိတ်လျှော့ပြီး နေရာဟောင်းလေးသို့ ပြန်လာတတ်သည်။ ဤသို့ဆိုလျှင် ကောင်ကလေး သည်လဲ တိုးတိတ်ညင်သာစွာ ထိုနေရာလေးသို့ ရောက်လာလေသည်။ နောက်တော့ သူတို့သည် ယခင်က အတိုင်း ပျော်ရွှင်စွာ ပြန်ဆော့ကစားကြသည်။

ဒီလိုနှင့် နေ့တွေက လပြောင်း၊ လတွေက နှစ်ပြောင်းလာပြီး ကောင်လေးနှင့် ကောင်မလေးသည် ကလေးသူငယ်မှ အပျို၊ လူပျိုများ ဖြစ်လာသည်။ အရွယ်နှင့်အတူ စိတ်များသည်လဲ ပြောင်းသွားကြသည်။ ငယ်ငယ်က ဖြူဖြူစင်စင် ချစ်စိတ်သည် ပူပူလောင်လောင် ချစ်စိတ်အဖြစ် အရောင်ပြောင်းသွားကြသည်။ ကောင်လေးသည် ကောင်မလေး ကို အသည်း နင့်အောင် ချစ်သည်။ သို့သော် သူ့အချစ်မှာ အုံ့ပုန်းအချစ်ဖြစ်သည်။ သူပျော်နေတာကို မြင်နေရရင် ပြီးသားပါပဲ ဆိုသော အချစ်မျိုးဖြစ်သည်။ နဂိုကတည်းက ဆိတ်ဆိတ်နေတတ်သော ကောင်လေးသည် သူ့အချစ် ကို တပါးသူသိသွားမှာ အလွန်ကိုစိုးရိမ်ပြီး အလွန် လျို့ဝှက်လေသည်။ ထို့ကြောင့် သူမှလွဲ၍ သူ့အချစ်ကို မည်သူမှ မသိရှိပေ။

ကောင်မလေးသည် သူ့အပေါ် အလွန် အနစ်နာခံ၊ သည်းခံသော ကောင်လေးကို ချစ်သည်။ အကို တယောက်လို ချစ်သလို ချစ်သူ ရည်းစား အဖြစ်လဲ ချစ်ချင်သည်။ ကောင်လေးသည် သူကို အသက်ထက် ချစ်မှန်း ကိုလဲ ကောင်မလေးက ခံစားသိရှိသည်။ သို့သော် ကောင်လေးသည် ချစ်ရိပ်ယောင်ကို မြူမှုန်တောင်မှ မပြသော ကြောင့် ကောင်မလေးမှာ နားမလည်နိုင်ဖြစ်နေသည်။

ကောင်မလေးသည် မိန်းမမာယာ အမျိုးမျိုးကို သုံးကာ ကောင်လေးကို စမ်းသပ်သည်။ စိတ်ကောက်ပြသည်။ တခြား ကောင်လေးများနှင့် တွဲပြသည်။ ကောင်လေး အပေါ် အထူး အရေးပေးသည်။ သို့သော် ဆိတ်ဆိတ်နေတတ်သော ကောင်လေးကတော့ တုံနိဘာဝေ။ ကြာလာတော့ ကောင်မလေးသည် မခံချိ မခံသာ ဖြစ်လာသည်။ သူ့ကို ကောင်ကလေးက တကယ်မချစ်ဟု ထင်မှတ်လာသည်။

နဂိုကတည်းက မာနကြီးသော၊ အသည်းမာသော ကောင်မလေးသည် ကောင်လေးကို ချစ်ရာမှ စတင် မုန်းတီးလာ သည်။ စကားလဲ မပြောတော့၊ အရောတ၀င်လဲ မလုပ်တော့ပေ။ ကောင်လေးကတော့ အခန်းထောင့် ချောင်လေးတွင် တိတ်ဆိတ်စွာ ငိုကြွေးနေရုံမှ အပ ခံစားချက်ကို မြိုသိပ်ထားသည်။ ဒီလိုနှင့် သူတို့တွေ လောကကြီးထဲသို့ ပျံသန်းနိုင်သော အရွယ်ကို ရောက်ရှိလာသည်။

အသည်းမာသော ကောင်မလေးသည် အမိမြေ နှင့် ဝေးရာသို့ ထွက်ခွာရန် အကြောင်းပေါ်လာသည်။ အသည်း မာသော်လည်း ချစ်လက်စ မကုန်သေးသော ကောင်မလေးသည် ကြိတ်မှိတ်တတ်သော ကောင်ကလေးအား သွားရောက် နောက်ဆုံး အဖြစ် သွားရောက်နှုတ်ဆက်လေသည်။ တကြိမ်တခါမှ မငိုကြွေးဖူးသော အသည်းမာမလေးသည် ကောင်ကလေးကို နှုတ်ဆက်စကားပြောရင်း မျက်ရည်ဖြိုင်ဖြိုင် ကျလေသည်။ သူ့စိတ်ထဲတွင်လဲ အကယ်၍သာ ကောင်ကလေးက ချစ်စကားပြောကြားခဲ့လျှင် ဒီခရီးကို ဖျက်ပစ်မည်းဟု တွေးထားလေသည်။ သို့သော် ငိုကြွေးနေသော ကောင်မလေးကို ကောင်လေးသည် တပြည်ရပ်ခြားတွင် ကြိုးစားဖို့၊ ကျန်းမာရေး ဂရုစိုက်ဖို့၊ ဘုရား တရား မမေ့ဖို့ မှာကြားပြီး ကောင်မလေးကို အိမ်အထိ လိုက်ပို့လေသည်။

နောက် ကိစ္စ တစ်ခုရှိ၍ လေယာဉ်ကွင်းသို့ လိုက်မပို့နိုင် ကြောင်း၊ စိတ်မဆိုးရန် တောင်းပန်လေသည်။ အချစ်ကြီးပြီး အမုန်းကြီးသော ကောင်မလေးသည် လိုက်ပို့ရန် မလိုကြောင်း၊ သူကိုလဲ နောက်ထပ်တွေ့ဖို့ မျှော်လင့်ရန် မလိုကြောင်း ပြောကြားပြီး အိမ်ထဲသို့ ၀င်သွားလေသည်။

နောက်တနေ့တွင် အသည်းမာသော ကောင်မလေးသည် မျက်ရည်တစက် မကျဘဲ လေယာဉ်ပေါ်ကို တက်သွားပြီး ကောင်ကလေးသည် အိမ်ခန်းလေးထဲတွင် အသည်းအသန် ဖျားနေလေသည်။ နူးညံ့သိမ်မွေ့ပြီး ဆိတ်ဆိတ်နေ တတ်သော ကောင်ကလေးသည် နလန်ပြန်မထူလာတော့ဘဲ နောက် တစ်လခန့်အကြာတွင် ဆုံးသွားလေသည်။

တနယ်ရပ်ခြားရောက်နေသော ကောင်မလေးသည် ကောင်လေးကို မုန်းနေသော်လည်း ရင်ထဲတွင် မေ့မရနိုင်ပေ။ တနေ့ထက် တနေ့ လွမ်းဆွတ် သတိရမိနေလေသည်။ ထို့ကြောင့် ရောက်ပြီး မကြာမီမှာပင် မြန်မာပြည်သို့ ပြန်လာခဲ့သည်။ လက်ဆောင်တွေ၊ အချစ်မေတ္တာတွေ တပွေ့တပိုက်နှင့် ကောင်မလေးသည် ကောင်လေးကို အပြေးလေး လာရှာသည်။ သို့သော် သူ့ကို ကောင်လေး၏ အုတ်ဂူ ဖြူဖြူလေးက ဆီးကြိုပြုံးပြလေသည်။ကောင်မလေးသည် ထိုနေရာ၌ပင် ပုံလျက်လဲကျသွားသည်။

နောက်တော့ နူးညံ့သိမ်မွေ့၍ ဆိတ်ဆိတ်နေ တတ်သော ချစ်သူကောင်လေးဘေးတွင် နှလုံးကွဲပျက်ကာ သေဆုံးသွားသော အသည်းမာသော ကောင်မလေး၏ အုတ်ဂူလေးကို ယှဉ်တွဲကာတွေ့ရလေတော့သည်။

ရေခဲရေ